कोरोनाबाट थप ९ जनाको मृत्यु, मृतकको संख्या ६४५ पुग्यो

नेपालमा कोरोनाबाट थप ९ जनाको मृत्यु भएको छ। मृत्यु हुनेमा २ जना महिला र ७ जना पुरुष रहेका छन्। यससँगै नेपालमा कोरोनाबाट मृत्यु हुनेको संख्या ६४५ पुगेको स्वास्थ्य तथा जनसंख्या मन्त्रालयले बताएको छ।

नेपालमा पछिल्लो २४ घण्टायता ४०४७ जना कोरोना संक्रमित थपिएका छन्। यससँगै नेपालमा कोरोना संक्रमितको संख्या १११८०२ पुगेको स्वास्थ्य तथा जनसंख्या मन्त्रालयले जनाएको छ।

मन्त्रालयका अनुसार आज १४७३ जना निको भएका छन्। यससँगै निको हुने कोरोना संक्रमितको संख्या ७७२७७ पुगेको छ। आजको पीसीआर १४५३० रहेको छ।

हाल मुलुकमा ३३८८० जना कोरोनाका सक्रिय संक्रमित रहेका छन्। यसमध्ये १३९२३ जना संस्थागत आइसोलेसनमा र १९९५७ जना होम आइसोलेसनमा रहेका छन्। क्वारेन्टिनमा ४८३३ जना रहेका छन्। हाल आईसीयूमा २७९ जना र भेन्टिलेटरमा ६७ जना उपचाररत रहेका छन्।