चितवनमा होम आइसोलेसनमा रहेका संक्रमितको मृत्यु
कोरोनाभाइरस सङ्क्रमण पुष्टि भई होम आइसोलेसनमा रहेका चितवनका एक वृद्धको मृत्यु भएको छ। मृत्यु हुनेमा भरतपुर महानगरपालिका–२० माइली चोकका ६७ वर्षीय पुरुष रहेका छन्।
जिल्ला प्रहरी कार्यालय चितवनले दिएको जानकारीअनुसार उनको शुक्रबार राति ९ बजे मृत्यु भएको हो। क्यान्सरका बिरामी उनको नियमित स्वास्थ्य परीक्षणका क्रममा २१ असोजमा स्वाब परीक्षणका लागि दिइएकोमा २३ असोजमा कोरोना सङ्क्रमण पुष्टि भएको थियो। योसँगै चितवनमा कोरोना सङ्क्रमण पुष्टि भई होम आाइसोलेसनमा रहेका पाँच जनाको मृत्यु भएको छ।
जिल्लामा कोरोना सङ्क्रमणका कारण मृत्यु हुनेको सङ्ख्या भने ३१ पुगेको स्वास्थ्य कार्यालय चितवनले जनाएको छ। कार्यालयका अनुसार हालसम्म जिल्लामा दुई हजार ५९७ जनामा कोरोना सङ्क्रमण पुष्टि भएको छ। जसमध्ये एक हजार ५५३ जना निको भएर घर फर्किसकेका छन्।
-1732180391.jpg)
