काठमाडौं उपत्यकामा थप १५३१ जनामा कोरोना संक्रमण पुष्टि
काठमाडौं उपत्यकामा थप १५३१ जनामा कोरोना भाइरसको संक्रमण पुष्टि भएको छ। सोमबार गरिएको परीक्षणमा काठमाडौं उपत्यकामा थप १५३१ जनामा कोरोनाको संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ।
मन्त्रालयका अनुसार उपत्यकाका जिल्लाहरू काठमाडौंमा ११७८ जना, भक्तपुरमा १०३ जना र ललितपुरमा २५० जनामा कोरोना संक्रमण पुष्टि भएको छ।
नेपालमा पछिल्लो २४ घण्टायता २४४० जनामा कोरोना संक्रमण पुष्टि भएको छ। ११३३ जना संक्रमित निको भएका छन्। यससँगै हालसम्म नेपालमा कोरोना संक्रमित हुनेको संख्या ८९२६३ पुगेको छ भने निको हुनेको संख्या ६५२०२ पुगेको छ।
-1732353496.jpg)
-1732261651.jpg)
