कोरोना निको हुनेको संख्या देशभर ६५ हजार नाघ्यो
कोरोनाभाइरस संक्रमितमध्ये सोमबारसम्म देशभर ६५ हजारभन्दा बढी निको भएका छन्।
स्वास्थ्य तथा जनसंख्या मन्त्रालयले नियमित पत्रकार सम्मेलनका क्रममा सोमबार दिएको जानकारी अनुसार, हालसम्म ६५ हजार २ सय २ जना संक्रमणमुक्त भइसकेका छन्। सोमबार मात्रै १ हजार १ सय ३३ जना संक्रमणमुक्त भएको मन्त्रालयले जनाएको छ।
सोमबार कुल २ हजार ४ सय ४० जना नयाँ संक्रमित थपिएका छन्। यो सँगै हालसम्म देशमा कुल संक्रमितको संख्या ८९ हजार २ सय ६३ पुगेको छ। जसमध्ये सक्रिय संक्रमितको संख्या भने २३ हजार ५ सय ७ छ। कोरोना संक्रमणबाट सोमबार ज्यान गुमाएका १९ जनासहित ५ सय ५४ जनाको मृत्यु भइसकेको छ।
सोमबार थपिएका संक्रमितमध्ये काठमाडौं उपत्यकामा १ हजार ५३१ जना छन्। जसमध्ये काठमाडौं जिल्लामा मात्रै १ हजार १६८ जना, ललितपुरमा २ सय ५० र भक्तपुरमा १ सय ३ जनामा संक्रमण पुष्टि भएको छ।
-1732353496.jpg)
-1732261651.jpg)
