मणि काङमाङ राईको ‘हारीसके’ म्युजिक भिडिओ सार्वजनिक

गायक मणि काङमाङ राईको ‘हारीसके’ बोलको गीतको म्युजिक भिडिओ सार्वजनिक भएको छ। धरानमा बसेर सांगीतिक क्षेत्रमा सकृय गायक राईको यो १२ औं म्युजिक भिडिओ हो।

अन्य गीत तथा म्युजिक भिडिओहरूमा भन्दा अझ बढी मिहेनत गरेको गायक राईको भनाइ छ। "अघिल्ला गीत तथा म्युजिक भिडिओमा पाएको दर्शक तथा स्रोताको प्रतिकृयालाई पनि आत्मसात गर्दै थप मिहेनत गरेको छु । रुचाईदिनुहुन्छ होला भन्ने अपेक्षा गरेको छु”, उनले भने।

संचारकर्मी विशाल रसिक राईको शब्द संगीत तथा निर्देशनमा तयार भएको म्युजिक भिडिओ धरानका विभिन्न स्थान, इटहरी र भेडेटारको सुन्दर स्थानहरुमा छायंकन गरिएको छ। निर्देशक राई भन्छन् “हामीले स्तरीय काम गर्ने कोशिस गरेका छौं। यो म्युजिक भिडिओले मोफसलमा बसेर पनि राम्रो काम गर्न सकिन्छ भन्ने कुरा उदाहरण हुन्छ भन्ने लागेको छ।”

सांगीतिक म्युजिक भिडियोहरू पछिल्लो समय सांगीतिक भावले भन्दा पनि कथानक दृश्य समेटिएको म्यूजीक भिडियो हेर्न चाहने आम दर्शकहरुको रुची अनुसार तयार भएको निर्देशक राईले बताए।

म्युजीक नेपालको यूट्युव च्यानलबाट सार्वजनिक भएको म्युजिक भिडिओमा सुनिता तामाङ, मणि काङमाङ र शंखर थापाको अभिनय रहेको छ। इन्जोरामेन्ट प्रोडक्सन कम्पनीको निर्माण गरेको यस भिडिओमा महेश सिग्देलको मेकअप र राकेश किरातीले छायांकन गरेका छन्।