वरिष्ठ सिनेमाटोग्राफर जावेद शाहको निधन
नेपाली चलचित्रका वरिष्ठ सिनेमाटोग्राफर जावेद शाहको निधन भएको छ। बुधबार साँझ ठमेलस्थित निवासमा हृदयघातबाट निधन भएको चलचित्र प्राविधिक संघका अध्यक्ष पुष्कर लामाले जानकारी दिए।
रसियाबाट सिनेमाटोग्राफी पढेर आएका शाहले शाही नेपाली चलचित्र संस्थानमा लामो समय जागिरे भएर काम गरेका थिए। पछि जागिर छोडेर स्वतन्त्र रुपमा काम थालेको उनका समकालीन बरिष्ठ साउन्ड रेकर्डिस्ट प्रदिप उपाध्यय बताउँछन्। उपाध्यय भन्छन् “नेपाली चलचित्रले दक्ष एवं कामप्रति ईमान्दार कलालाई गुमायो।”
चलचित्र 'भाग्यरेखा' बाट उनले आफ्नो करियर शुरु गरेका थिए। त्यसपछि युगदेखि युगसम्म, कसम, प्रतिज्ञा, चोखोमाया लगायतका चलचित्र तथा दर्जन भन्दा बढी डकुमेन्ट्रीहरु खिचेका छन्। उनका श्रीमति र दुई छोरा छन्।
-1732180391.jpg)
-1732099242.jpg)