सुनको मूल्य आज पनि घट्यो

पछिल्ला केही दिनयता नेपाली बजारमा सुनको मूल्यमा लगातार गिरावट आएको छ। नेपाल सुनचाँदी व्यवसायी महासंघका अनुसार, मंगलबारदेखि सुनको भाउ निरन्तर ओरालो लागेको छ।

सोमबार प्रतितोला रु. ९७ हजार २०० मा कारोबार भएको छापावाला सुनको मूल्य मंगलबार प्रतितोला रु. एक हजार ७००, बुधबार रु. एक हजार २०० र आज प्रतितोला रु. एक हजार २०० ले घटेको महासंघले जनाएको छ।

महासंघले आजका लागि छापावाला सुनको मूल्य प्रतितोला रु. ९३ हजार १०० र तेजाबी सुनको मूल्य प्रतितोला रु. ९२ हजार ६०० तोकेको छ। बुधबार छापावाल सुनको मूल्य प्रतितोला रु. ९४ हजार ३०० र तेजाबी सुनको मूल्य प्रतितोला रु. ९३ हजार ८०० कायम भएको थियो।

यस्तै, बिहीबार चाँदीको मूल्यमा पनि प्रतितोला रु. ७० ले गिरावट आएको छ। आज चाँदीको मूल्य प्रतितोला रु. एक हजार १२० तोकिएको छ।

समाचार

सुनको मूल्य आज पनि घट्यो

रासस बिहीबार, असोज ८, २०७७