थप ११५४ जनामा कोरोना संक्रमण पुष्टि, १००५ निको भए
नेपालमा थप ११५४ जनामा कोरोना संक्रमण पुष्टि भएको छ। यससँगै नेपालमा हालसम्म कोरोना संक्रमित हुनेहरूको संख्या ६५२७६ पुगेको छ।
स्वास्थ्य तथा जनसंख्या मन्त्रालयले नियमित मिडिया ब्रिफिङमार्फत दिएको जनाकारी अनुसार पछिल्लो २४ घण्टामा १००५ जना निको भएका छन्। यससँगै हालसम्म कोरोनामुक्त हुनेको संख्या ४७२३८ पुगेको छ। हाल मुलुकमा सक्रिय संक्रमितको संख्या १७६११ छ। त्यसमध्ये ८९२१ जना संस्थागत आइसोलेसनमा र ८६९० जना होम आइसोलेसनमा उपचार गराइरहेका छन्।
पछिल्लो २४ घण्टामा ९५३३ वटा पीसीआर नमूना परीक्षण गरिएको छ। हाल क्वारेन्टिनमा ७४०३ जना रहेका छन्।
पछिल्लो २४ घण्टामा १६ संक्रमितको कोरोनाबाट मृत्यु भएको छ। यससँगै नेपालमा कोरोनाबाट मृत्यु हुनेको संख्या ४२७ पुगेको छ।
-1732353496.jpg)
-1732261651.jpg)