एकैदिन २०२० जना कोरोना संक्रमित थपिए, निको हुनेको संख्या ८७१
नेपालमा कोरोना संक्रमण पुष्टि हुनेको संख्या पछिल्लो २४ घण्टामा ह्वात्तै बढेको छ। एकैदिन थप २०२० जनामा कोरोना संक्रमण पुष्टि भएको छ। यससँगै हालसम्म नेपालमा कोरोना संक्रमित हुनेको संख्या ६१५९३ पुगेको छ।
स्वास्थ्य तथा जनसंख्या मन्त्रालयका अनुसार हाल मुलुकमा १७३८३ जना कोरोनाका सक्रिय संक्रमित छन्। त्यसमध्ये ९२९५ जना संस्थागत र ८०८८ जना होम आइसोलेसनमा रहेका छन्।
मन्त्रालयका अनुसार पछिल्लो २४ घण्टामा ८७१ जना निको भएका छन्। यससँगै हालसम्म कोरोना संक्रमणबाट मुक्त हुनेको संख्या ४३८२० पुगेको मन्त्रालयले जनाएको छ।
हाल क्वारेन्टिनमा ७७३६ जना रहेका छन् भने पछिल्लो २४ घण्टामा ११४५८ जनाको पीसीआर परीक्षण गरिएको छ।
त्यस्तै पछिल्लो २४ घण्टामा ७ जनाको मृत्यु भएको छ। यससँगै मृत्यु हुनेको संख्या ३९० पुगेको छ।
-1732353496.jpg)
-1732261651.jpg)