कमल हसनको २३२औं फिल्मको घोषणा
दक्षिण भारतीय सुपरस्टार कमल हसन (६५) को नयाँ फिल्मको घोषणा गरिएको छ। लोकेश कनागराजले निर्देशन गर्ने फिल्मको नाम ह्यासट्यागसहित 'कमल हसन २३२' राखिएको छ।
हसनकै निर्माण कम्पनी राजकमल फिल्म्स इन्टरनेशनलले बनाउन लागेको तमिल भाषाको यो फिल्म उनको २३२औं फिल्म हुनेछ।
निर्देशक लोकेशले ट्वीटरमा हसनसँग काम गर्ने फिल्मको घोषणा गर्दै एउटा पोस्टर पनि शेयर गरेका छन्। उनले निर्देशन गरेको फिल्म 'मास्टर' को पोस्ट-प्रोडक्सनको काम भइरहेको छ।
हसनले पनि ट्वीटरमा आफ्नो नयाँ फिल्मको पोस्टर शेयर गर्दै 'अर्को यात्राको शुरुआत' लेखेका छन्।
-1732180391.jpg)
-1732099242.jpg)