संविधान दिवसमा टेलिकमको अफर : अनलिमिटेड प्याक
नेपाल टेलिकमले संविधान दिवसको अवसर पारेर शुक्रबारदेखि ४ असोजसम्म ३ दिन अनलिमिटेड प्याक खरिदको सुविधा प्रदान गर्ने भएको छ। यस्तो सुविधामा युट्युब, फेसबुक र एड–अन प्याक उपलब्ध हुनेछन्।
टेलिकमका अनुसार अनलिमिटेड युट्युब तथा अनलिमिटेड फेसबुक प्याक छुट्टाछुट्टै रू. ५५ प्रति प्याकमा खरिद गर्न सकिने छ। यस्तो प्याक खरिद गरेको ३ दिनसम्म प्रयोग गर्न सकिनेछ।
अनलिमिटेड युट्युब र अनलिमिटेड फेसबुक प्याकमध्ये कुनै एक प्याक खरिद गर्ने ग्राहकले एड–अन प्याकको रूपमा रू. १५ मा १ जीबी डाटा प्याक खरिद गर्न सकिने सुविधासमेत दिएको छ।
यो प्याक पनि खरिद गरेको मितिबाट ३ दिनसम्म प्रयोग गर्न सकिने टेलिकमले विहीबार जारी गरेको विज्ञप्तिमा उल्लेख छ। टेलिकमले हाल समर अफर अन्तर्गत २८ दिनको समयावधि हुने १ जीबी परडे डाटा प्याक रू. ८५० मा उपलब्ध गराइरहेकोमा संविधान दिवसको अवसरमा यसमा ३४.७ प्रतिशतको छुट प्रदान गरिएको जनाएको छ।
यसअनुसार यो प्याक भोलि शुक्रबारदेखि आइतबारसम्म ३ दिनको जम्मा रू. ५५५ मै उपलब्ध गराउने टेलिकमले जनाएको छ। टेलिकमका अनुसार यस्तो प्याक लिन *१४१५*११# डायल गर्नुपर्नेछ।
-1732353496.jpg)
