काठमाडौं उपत्यकामा थपिए ६१८ संक्रमित
काठमाडौं उपत्यकामा पछिल्लो २४ घण्टायता ६१८ जना संक्रमित थपिएका छन्। यसमध्ये काठमाडौंका मात्र ५०७ जना रहेका छन्।
स्वास्थ्य तथा जनसंख्या मन्त्रालयका अनुसार काठमाडौंमा १६४ महिला र ३४३ पुरष, भक्तपुरमा २९ महिला र २१ पुरुष तथा ललितपुरमा ३१ महिला र ३० पुरुषमा संक्रमण पुष्टि भएको छ।
पछिल्लो २४ घण्टायता देशभर भने १२४६ जना कोरोना संक्रमित थपिएका छन्। यससँगै कोरोना संक्रमितको संख्या ५९५७३ पुगेको मन्त्रालयले जनाएको छ।
मन्त्रालयले दिएको जानकारी अनुसार हाल मुलुकमा १६२४१ जना कोरोनाका सक्रिय संक्रमितहरू रहेका छन्। त्यसमध्ये ७९०३ जना संस्थागत आइसोलेसनमा र बाँकी होम आइसोलेसनमा रहेका छन्।
पछिल्लो २४ घण्टायता कोरोनाबाट ४ जनाको मृत्यु भएको छ भने १२४३ जना निको भएका छन्। यससँगै नेपालमा कोरोना संक्रमणमुक्त हुनेको संख्या ४२९४९ पुगेको छ।
हाल क्वारेन्टिनमा ७८८३ जना रहेका छन्। पछिल्लो २४ घण्टामा १०६४१ वटा पीसीआर नमूना परीक्षण भएको छ।
-1732353496.jpg)
-1732261651.jpg)