वामदेव गौतमको शपथ आजै दिउँसो ४ बजे हुने
राष्ट्रिय सभा सदस्यमा मनोनीत नेपाल कम्युनिष्ट पार्टी (नेकपा)का उपाध्यक्ष वामदेव गौतमको शपथ बिहीबार नै हुने भएको छ। राष्ट्रिय सभा अध्यक्ष गणेशप्रसाद तिमिल्सिनाले दिउँसो ४ बजे गौतमलाई पद तथा गोपनियताको शपथ गराउनेछन्।
राष्ट्रिय सभाका सचिव राजेन्द्र फुयालले सिंहदरबारस्थित् दिगो विकास तथा सुशासन समितिको हलमा दिउँसो ४ बजे गौतमको शपथ हुने बताए। गौतमलाई राष्ट्रपति विद्यादेवी भण्डारीले बिहीबार दिउँसो राष्ट्रिय सभा सस्दयमा मनोनयन गरेकी थिइन्।
२९ भदौमा बसेको मन्त्रिपरिषद् बैठकले गौतमलाई राष्ट्रिय सभा सदस्यमा मनोनीत गर्न राष्ट्रपतिसमक्ष सिफारिस गर्ने निर्णय गरेको थियो। त्यसैआधारमा प्रधानमन्त्री तथा मन्त्रिपरिषद् कार्यालयले हिजो गौतमको नाम राष्ट्रपति कार्यालय शीतलनिवास पठाएको थियो।
तत्कालीन अर्थमन्त्री डा. युवराज खतिवडाको कार्यकाल सकिएपछि राष्ट्रिय सभामा रिक्त पदमा गौतमलाई लगिएको हो। गौतम २०७४ को प्रतिनिधि सभा निर्वाचनमा बर्दिया क्षेत्र नम्बर १ बाट पराजित भएका थिए।
-1732261651.jpg)
-1732259528.jpg)
