काठमाडौं उपत्यकामा थपिए अहिलेसम्मकै धेरै ७३७ जना संक्रमित
काठमाडौं उपत्यकामा अहिलेसम्मकै धेरै संक्रमित थपिएका छन्। पछिल्लो २४ घण्टायता उपत्यकामा ७३७ जनामा कोरोनाभाइरस संक्रमण पुष्टि भएको हो।
काठमाडौंमा ६५२, भक्तपुरमा २५ र ललितपुरमा ६० जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
मन्त्रालयका अनुसार काठमाडौंमा २१६ महिला र ४३६ पुरुष संक्रमित थपिएका छन्। यस्तै, भक्तपुरमा १३ महिला र १२ पुरुष तथा लतिलपुरमा २४ महिला र ३६ पुरुष संक्रमित थपिएका छन्। देशभरीमा सबैभन्दा धेरै संक्रमित काठमाडौं उपत्यकामा छन्।
देशभर भने पछिल्लो २४ घण्टामा १५३९ जनामा संक्रमण पुष्टि भएको छ भने १०६८ निको भएका छन्। ८ जना संक्रमितको मृत्यु भएको छ।
-1732353496.jpg)
-1732261651.jpg)