रूपन्देहीमा सालकसहित पाँच जना पक्राउ
रूपन्देहीमा दुर्लभ वन्यजन्तु सालकसहित पाँच जना पक्राउ परेका छन्। प्रहरीले बुटवलको पूर्वपश्चिम राजमार्गमा हिंडिरहेका बेला उनीहरूलाई सालकसहित पक्राउ गरेको हो।
जिल्ला प्रहरी कार्यालय रूपन्देहीका अनुसार पक्राउ पर्नेमा सिरहाको सिरहा नगरपालिका-७ का मनोजकुमार कर्ण, सिन्धुलीको तीनपाटन गाउँपालिका-३ का लोकबहादुर तामाङ् र सोही स्थानका लालबहादुर तामाङ् रहेका छन्।
यस्तै, सर्लाही हरिओमको गाउँपालिकाका सूर्य लामा र उदयपुर गाईघाट-१ की नेत्रमाया राना पनि सँगै पक्राउ परेका छन्। यस विषयमा थप अनुसन्धान भइरहेको प्रहरीले जनाएको छ।
-1732353496.jpg)
