चलचित्र लेखक तथा निर्देशक छेतेन गुरुङको निधन
चलचित्र लेखक तथा निर्देशक छेतेन गुरुङको निधन भएको छ। काठमाडाैंको मेट्रो अस्पतालमा उपचारका क्रममा उनको गएराति निधन भएको अस्पतालले जनाएको छ।
कलेजोमा समस्या आएपछि गुरुङलाई उपचारका लागि २ दिनअघि अस्पताल भर्ना गरिएको थियो। गुरुङले चलचित्र ‘नोभेम्बर रेन, क्लासिक, ए मेरो हजुर-३’ को स्क्रिप्ट लेखेका थिए।
उनले निर्देशन गरेको चलचित्र ‘डमरुको डण्डिबियो’ प्रदर्शन भइसकेको छ भने चलचित्र ‘प्रेमगीत-३’ प्रदर्शन हुन बाँकी छ। गत चैत्रमा प्रदर्शन हुन तय भएको चलचित्र कोरोनाभाइरस फैलन नदिनको लागि गरिएको बन्दाबन्दीले स्थगित भएको थियो।
संक्रमण नरोकिएकाले चलचित्रको प्रदर्शन मिति तय भएको छैन। गुरुङ नयाँ चलचित्र ‘हुतुतु’ निर्देशनको तयारीमा थिए।
-1732180391.jpg)
-1732099242.jpg)
-1732097316.jpg)
