सन्दीप आबद्ध तालावाहज पहिलो सेमिफाइनलमा आज नाइट राइडर्सविरुद्ध खेल्दै
क्यारेबियन प्रिमियर लिग (सीपीएल) अन्तर्गत जमैका तालावाहजले आज पहिलो सेमिफाइनलमा ट्रिन्बागो नाइट राइडर्सविरुद्ध प्रतिश्पर्धा गर्दैछ। तालावाहजमा नेपाली युवा स्पिनर सन्दीप लामिछाने आबद्ध छन्।
खेल नेपाली समय अनुसार साँझ ७:४५ बजे हुनेछ। लिग चरणमा नाइट राइडर्सले कुनै पनि खेल नहारी शीर्षस्थानका साथ सेमीफाइनलमा पुगेको हो। तालावाहज भने १० खेलमध्ये ६ वटामा पराजित भयो। तीन वटामा जितेको तालावाहजको एउटा खेल वर्षाले अवरुद्ध गरेको थियो।
सन्दीपले १० मध्ये नौ खेलमा बलिङ गरे। बलिङ गरेका सबै खेलमा उनले विकेट लिएका छन्। उनी सबैभन्दा बेढी खेल खेलेर कम ‘इकोनोमी रेट’ हुने खेलाडी हुन् । उनले प्रतियोगितामा ५.०५ को औषतमा रन दिएका छन्।
अहिलेसम्म उनले १२ विकेट लिएका छन्। बढी विकेट लिने खेलाडीको सूचीमा उनी पाचौँ स्थानमा छन्। उनकै टीमका मुजिब उर रहमान र अकौ खेलाडी इमरान ताहिरले सबैभन्दा बढी १५ विकेट लिएर पहिलो र दोस्रो स्थानमा छन्।
सन्दीपको टीममा मुजिबसहित ग्लेन फिलिप्स, जर्मेन ब्लाकवुड, रोवमान पावेल, आन्द्रे रसेल, कार्लोस ब्रेथवेट लगायत खेलाडी छन्। नाइट राइडर्समा सुनिल नारिन, किरोन पोलार्ड, लिन्डल सिमोन, डारेन ब्राभो, सिकन्दर राजा, डीजे ब्राभो लगायत खेलाडी छन्।
-1732261651.jpg)
-1732259528.jpg)