रियलबाट एभर्टनले भित्र्यायो रोड्रिगेजलाई
इंग्लिस प्रिमियर लिग क्लब एभर्टनले कोलम्बियन प्लेमेकर हामेस रोड्रिगेजलाई अनुबन्ध गरेको छ।
स्पेनिस क्लब रियल मड्रिडका खेलाडी रोड्रिगेजलाई भित्र्याउन एभर्टनले दुई करोड २० लाख पाउण्ड खर्च गरेको हो।
एभर्टनले रोड्रिगेजसँग दुई वर्षे सम्झौता गरेको छ।
सन् २०१४ को फिफा विश्वकपका गोल्डेन बुट बिजेता रोड्रिगेज त्यसलगत्तै फ्रेन्च क्लब मोनाकोबाट मड्रिड पुगे पनि त्यहाँ उनको बसाई सुखद भएन। रियलले उनलाई लगातार दुई सिजन बायर्न म्युनिखमा लोनमा पठायो।
कार्लो एन्सेलोट्टीले गत सिजन एभर्टनको प्रशिक्षण सम्हालेपछि आफ्ना पूर्वखेलाडी रोड्रिगेजलाई भित्र्याएका हुन्।
-1732261651.jpg)
-1732259528.jpg)