बाघको छाला र हड्डीसहित बझाङमा दुई जना पक्राउ
प्रहरीले बझाङमा बाघको दुई थान छाला र हड्डीसहित दुई जनालाई पक्राउ गरेको छ।
गए राति पौने ३ बजे बझाङको बुङ्गल नगरपालिका-३ विजगडामा बाघका अङ्गसहित हरजित बोहरा र राईसिंह बोहरालाई प्रकाउ गरेको सुदूरपश्चिम प्रदेश प्रहरी कार्यालयका प्रवक्ता एसएसपी मुकेश सिंहले जानकारी दिए। उनका अनुसार, पक्राउ परेका दुवै जना बुङ्गल नगरपालिका-६ बस्ने दाजुभाइ हुन्।
प्रहरीले गोप्य सूचनाका आधारमा सुदूरपश्चिम प्रहरीको अनुसन्धान टोली र जिल्ला प्रहरी कार्यालयको संयुक्त टोलीले उनीहरूलाई पक्राउ गरेको जनाएको छ।
पक्राउ परेका दुवै जना विजगडाबाट भारी बोकेर पैदल बागथलातर्फ जाँदै थिए। उनीहरूको साथबाट प्रहरीले छाला दुई थान र बाघको करीब ९ किलो हड्डी बरामद गरेको छ।
-1732261651.jpg)
-1732259528.jpg)
-1732180391.jpg)
