लिगबाट बाहिरिसकेको ट्रिडेन्ट्ससँग सन्दीपको तालावाहज पराजित
क्यारेबियन प्रिमियर लिग (सीपीएल) बाट बाहिरिसकेको बार्बाडोस ट्रिडेन्ट्ससँग सन्दीप लामिछाने आबद्ध जमैका तालावाहज पराजित भएको छ। तालावाहज ७ विकेटले पराजित भए पनि यसअघि नै सेमिफाइनलमा पुगिसकेको छ।
ट्रिडेन्ट्सले १६२ रनको लक्ष्य १८ ओभर दुई बलमा तीन विकेटको क्षतिमा पूरा गरेको थियो। सन्दीपले एक विकेट लिएका थिए। उनले कप्तान ज्यासन होल्डरलाई एलबीडब्लु धरापमा पारेका थिए।
चार ओभर बलिङ गरेका सन्दीपले २६ रन खर्चेर एक विकेट लिएका थिए। उनी यो सिजन खेलेका नौ खेलमध्ये कुनैमा पनि विकेटविहीन भएका छैनन्।
यसअघि टस जितेर ब्याटिङ रोजेको तालावाहजले चार विकेट गुमाएर १६१ रन बनाएको थियो। जर्मेन ब्लाकवुडले ७४ र आन्द्रे रसेलले ५४ रन बनाएका थिए।
-1732261651.jpg)
-1732259528.jpg)