हलिउड अभिनेता रोबर्ट पेटिन्सनलाई कोरोना संक्रमण
चर्चित फिल्म सिरिज ह्यारी पोटरको 'गोबलेट फायर' बाट ख्याति कमाएका हलिउड अभिनेता रोबर्ट पेटिन्सनलाई कोरोनाभाइरसको संक्रमण भएको छ।
बेलायतमा 'द ब्याटम्यान' फिल्मको छायांकनमा व्यस्त भइरहेका वेला ३४ वर्षीय अभिनेतालाई संक्रमण पुष्टि भएको हो। उनमा संक्रमण देखिएसँगै फिल्मको छायांकन हालका लागि रोकिएको छ।
ब्याटम्यानको निर्माता वार्नर ब्रोजले बिहीबार एक विज्ञप्ति जारी गर्दै 'फिल्मका एक सदस्यलाई कोभिड १९ पोजिटिभ भएको' र उनी तोकिएको मापदण्ड अनुसार आइसोलेसनमा बसेको बताएको थियो। उसले फिल्मको छायांकन केही समयका लागि स्थगन गरिएको पनि उल्लेख गरेको थियो।
पछि ती संक्रमित सदस्य पेटिन्सन भएको पुष्टि भएको थियो।
पेटिन्सनले लोकप्रिय फिल्म सिरिज ट्वाइलाइटमा पनि अभिनय गरेका छन्। - एजेन्सी
-1732180391.jpg)
-1732099242.jpg)