ढोरपाटन बाढी-पहिरोः आठ जनाको शव भेटियो, अरु २८ बेपत्ता
बागलुङको ढोरपाटन नगरपालिका वडा नं. ९ स्थित भुजीखोला मुहानबाट झरेको पहिरो र बाढी वडा नं ७, ८ र ९ का बस्तीमा पस्दा बेपत्ता भएकामध्ये आठ जनाको शव भेटिएको छ।
अरु २८ जना बेपत्ता भएको प्रमुख जिल्ला अधिकारी सुरेश न्यौपानेले जानकारी दिए। ढोरपाटन उपत्यका प्रवेश गर्ने वडा नं. ९ स्थित भुजीखोलाको मुहान देउराली पहाडबाट ठूलो पहिरो खसेर तल्लो तटीय बस्तीमा क्षति पुर्याएको हो।
अहिलेसम्म वडा नं.९ मा सुरक्षाकर्मी पुग्न सकेका छैनन्। बाढी र पहिरोले वडा नं. ९ सहित ६, ७ र ८ मा क्षति पुर्याएको छ।
अरिवरल वर्षासँगै गएराति १२ बजे आएको बाढी र पहिरोले बस्ती नै बगाएको छ। भुजीको मुहानमा पहिरो झरेपछि खोला थुनिएको र त्यसपछि बाढी र पहिरो सँगसँगै बगेको अनुमान छ।
-1732535850.jpg)
-1732452683.jpg)
