पहिलो दिनको नियमित उडानबाट ४९७ जना स्वदेश भित्रिए
पहिलो दिनको नियमित उडानबाट ४९७ जना स्वदेश भित्रिएका छन्। बुधबारबाट शुरू भएको नियमित उडानमा नेपाल एअरलाइन्सले जापानबाट १२० जना, हिमालय एअरलाइन्सले माल्दिभ्सको मालेबाट १३६ जना र मालिन्दो एअरले मलेसियाको क्वालालम्पुुरबाट १३३ जना यात्रुलाई नेपाल भित्र्याएको हो।
कोभिड—१९ संक्रमणको जोखिम न्यूनिकरण गर्न सरकारले ९ चैतदेखि रोकेको नियमित अन्तर्राष्ट्रिय उडान आजबाट शुरू भएको हो।
सरकारको गरेको २६ साउनको निर्णय अनुसार १७ भदौबाट नियमित अन्तर्राष्ट्रिय उडान खुला गरेको छ। सरकारले ५ महीनापछि खुला गरेको नियमित उडानपछिको पहिलो व्यवसाययिक उडान नेपाल वायुसेवा निगमबाट शुरू भएको छ।
निगमको जहाज काठमाडौंबाट जापानको नारिता गएको थियो। यो जहाजले बुधबार राति १ बजे काठमाडौंबाट ४७ जना यात्रु लिएर गएको र आजै साँझ ५ बजे फर्कदा २१० जना यात्रु ल्याएको निगमकी प्रवक्ता अर्चना खड्काले बताइन्।
-1732261651.jpg)
-1732259528.jpg)