पछिल्लो २४ घण्टामा देशभर थपिए ११२० जना कोरोना संक्रमित
पछिल्लो २४ घण्टामा देशभरका विभिन्न प्रयोगशालाबाट आएको रिपोर्ट अनुसार ११२० जना कोरोना संक्रमित थपिएका छन्। यससँगै हालसम्म कोरोना संक्रमित हुनेको संख्या ४१६४९ पुगेको छ।
पछिल्लो २४ घण्टामा थपिएका संक्रमितमध्ये ३२० जना महिला र ८०० जना पुरुष रहेको मन्त्रालयले जनाएको छ। हाल मुलुकमा १८१०८ जना कोरोनाका सक्रिय संक्रमित छन्। त्यसमध्ये १०४९३ जना संस्थागत आइसोलेसन र ७६१५ जना होम आइसोलेसनमा रहेका छन्।
पछिल्लो २४ घण्टामा ११२० जना डिस्चार्ज भएका छन्। यससँगै निको भएर घर फर्किनेको संख्या हालसम्म २३२९० जना पुगेको मन्त्रालयले जनाएको छ।
हाल क्वारेन्टिनमा ६७६६ जना रहेको पनि मन्त्रालयले जनाएको छ। त्यसै गरी ६ महिला र ६ पुरुष गरी १२ जनाको मृत्यु भएको छ।
-1732353496.jpg)
