देशभर १०६९ जना कोरोना संक्रमित थपिए
पछिल्लो २४ घण्टामा देशभर एक हजार ६९ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार ७२५ पुरुष र ३४४ महिलामा संक्रमण देखिएको हो।
योसँगै देशभर संक्रमितको संख्या ४० हजार ५२९ पुगेको छ। यसमध्ये २२ हजार १७८ निको भएका छन्।
गौतमका अनुसार देशभर सक्रिय संक्रमितको संख्या १८ हजार ११२ छ। सात हजार २८० जना होम आइसोलेसनमा छन् भने १० हजार ८३२ जना संस्थागत आइसोलेसनमा छन्। पछिल्लो २४ घण्टामा ७६८ जना निको भएका छन्।
देशभर क्वारेन्टिनमा रहनेको संख्या सात हजार ३९० रहेको मन्त्रालयका प्रवक्ता, गौतमले बताए। पछिल्लो २४ घण्टामा १२ हजार ८८ नमूनाको पीसीआर परीक्षण गरिएको उनले बताए।
-1732353496.jpg)
