राष्ट्रिय जनगणनाका प्रश्नावली राजपत्रमा प्रकाशन
राष्ट्रिय जनगणना २०७८ मा प्रत्येक व्यक्ति तथा घरपरिवारबाट विवरण सङ्कलन गर्न प्रयोग गरिने घर तथा घरपरिवार सूचीकरण र मुख्य प्रश्नावली नेपाल राजपत्रमा प्रकाशन गरिएको छ।
प्रधानमन्त्री तथा मन्त्रिपरिषद्को कार्यालयले २६ साउनमा स्वीकृत गरेको प्रश्नावली आज सर्वसाधारण तथा सरोकारवालाको जानकारीका लागि प्रकाशन गरिएको केन्द्रीय तथ्याङ्क विभागले जनाएको छ। यसअघि राष्ट्रिय जनगणना निर्देशक समितिले प्रत्येक वडा कार्यालयबाट सङ्कलन गरिने विवरणको लागि सामुदायिक प्रश्नावली ४ असारमा स्वीकृत गरिएको थियो।
पहिलो प्रश्नावली, सुरपरीक्षेकद्वारा घर तथा घरपरिवार सूचीकरणमार्फत प्रत्येक घर तथा घरपरिवारमा पुगी घरको सम्पूर्ण विवरण सङ्कलन गरिनेछ भने दोस्रो प्रश्नावली गणकहरूद्वारा प्रत्येक घरपरिवारमा पुगेर मुख्य प्रश्नावली मार्फत पारिवारिक विवरण र व्यक्तिगत विवरणहरू सङ्कलन गरिनेछ।
घर तथा घरपरिवार सूचीकरण आउँदो वर्षको २६ वैशाखदेखि १४ जेठसम्म र मुख्य प्रश्नावली २५ जेठदेखि ८ असारसम्म भरिनेछ। तेस्रो प्रश्नावली, सुरपरीवेक्षकबाट प्रत्येक स्थानीय तहका सबै वडा कार्यालयबाट सामुदायिक प्रश्नावली मार्फत वडास्तरको पूर्वाधारसम्बन्धी विवरण सङ्कलन गरिने विभागद्वारा आज जारी विज्ञप्तिमा उल्लेख छ।
विभागले प्रश्नावली निर्माण गर्दा विभिन्न चरणमा सरोकारवालासँग अन्तरक्रिया तथा छलफल गरेको थियो।
-1732535850.jpg)
-1732452683.jpg)
