सेती प्रादेशिक अस्पतालमा प्लाज्मा थेरापीबाट कोरोना संक्रमितको उपचार हुने
सेती प्रादेशिक अस्पतालमा प्लाज्मा थेरापी विधिबाट कोरोनाभाइरस संक्रमितको उपचार थालिने भएको छ।
अस्पतालमा राष्ट्रिय स्वास्थ्य अनुसन्धान परिषद्ले तय गरेको मापदण्ड अनुसार प्लाज्मा थेरापी विधिबाट अनुसन्धनात्मक उपचार सुरु गरिने भएको हो कोरोनाभाइरस संक्रमित गम्भीर बिरामीलाई उक्त विधिबाट उपचार गरिने अस्पतालका सूचना अधिकारी दिलिप कुमार श्रेष्ठले जानकारी दिए।
संक्रमित भएर निको भएका व्यक्तिको शरीरमा बनेको एन्टिबडी संक्रमित व्यक्तिलाई दिँदा निको हुने संभावना धेरै हुने चिकित्सकहरुले बताएका छन्। संक्रमणमुक्त भएर घर फर्किएकालाई रक्तदान गर्न अस्पतालले आग्रह गरेको छ।
उनीहरुले बनाएको रगतबाटै प्लाज्मा बनाइने अस्पतालबाट जारी विज्ञप्तिमा उल्लेख छ। यसरी रक्तदान गर्ने व्यक्ति कोरोना संक्रमणबाट मुक्त भएको दुई हप्ता पुगेको हुनुपर्छ। साथै पीसीआर रिपोर्ट नेगेटिभ आएको हुनुपर्ने अस्पतालले जनाएको छ।
-उन्नति चौधरी/कैलाली
-1730706554.jpg)
