देशभर ८९९ जना कोरोना संक्रमित थपिए, ५८८ निको भए
पछिल्लो २४ घण्टामा देशभर ८९९ जना कोरोनाभाइरस संक्रमित थपिएका छन्। स्वास्थ्य तथा जनसंख्या मन्त्रालयका अनुसार ५९६ पुरुष र ३०३ महिलामा संक्रमण देखिएको हो।
योसँगै देशभर संक्रमितको संख्या ३९ हजार ४६० पुगेको छ। यसमध्ये २१ हजार ४१० निको भएका छन्।
मन्त्रालयका प्रवक्ता जागेश्वर गौतमले देशभर १३२ जना आईसीयूमा र १६ जनाको भेन्टिलेटरमा राखेर उपचार भइरहेको जनाएका छन्।
गौतमका अनुसार देशभर सक्रिय संक्रमितको संख्या १७ हजार ८२२ छ। यसमध्ये सात हजार १२१ जना होम आइसोलेसनमा छन् भने १० हजार ७०१ जना संस्थागत आइसोलेसनमा छन्।
पछिल्लो २४ घण्टामा ५८८ जना निको भएका छन्। मन्त्रालयका अनुसार अहिलेसम्म २१ हजार ४०१ जना संक्रमणमुक्त भएर फर्किएका छन्।
-1732353496.jpg)
