काठमाडौं उपत्यकामा थप १८६ जना संक्रमित
काठमाडौं उपत्यकामा पछिल्लो २४ घण्टामा थप १८६ जना कोरोना संक्रमित भेटिएका छन्। यससँगै देशभर शनिवार भेटिउका कोरोना संक्रमितको संख्या ८८४ जना छ।
स्वास्थ्य तथा जनसंख्या मन्त्रालयले दिएको जानकारी अनुसार शनिवार उपत्यकाका जिल्लाहरू काठमाडौंमा १५५ जना, ललितपुरमा १९ जना र भक्तपुरमा १२ जना संक्रमित भेटिएका हुन्।
यस्तै देशभर पछिल्लोव २४ घण्टामा ३१३ जना निको भएर घर फर्किएका छन्। यससँगै अहिलेसम्म २०५५५ जना संक्रमित निको भएर घर फर्किएका छन्। त्यस्तै हाल देशभर सक्रिय संक्रमितको संख्या १६५७८ छ। त्यसमध्ये १०१४५ जना संस्थागत आइसोलेसन र ६४४५ जना होम आइसोलेसनमा रहेका छन्।
पछिल्लो २४ घण्टामा १०९७१ वटा आरटी पीसीआर परीक्षण गरिएको छ मन्त्रालयले जनाएको छ।
-1732353496.jpg)
