व्यवसायी विनोद चौधरीलाई कोरोना संक्रमण
उद्योगी एवम् व्यवसायी विनोद चौधरीलाई कोरोनाभाइरसको संक्रमण भएको छ।
चौधरीले ट्वीट गरेर आफूलाई संक्रमण पुष्टि भएको जानकारी गराएका हुन्। उनले पीसीआर परीक्षण गराउँदा आज बिहान पोजिटिभ रिपोर्ट आएको बताएका छन्।
उनले आफूमा कुनै लक्षण नदेखिएको र चिकित्सकको सल्लाह अनुसार आइसोलेसनमा बसेको पनि ट्वीटमा उल्लेख गरेका छन्।
चौधरीले पछिल्लो समय आफ्नो सम्पर्क तथा भेटघाटमा आएकाहरुलाई उचित सावधानी अपनाउन आग्रह पनि गरेका छन्।
-1732353496.jpg)
