भारतमा कोरोना संक्रमणबाट मृत्यु हुनेको संख्या ६१ हजार नाघ्यो
भारतमा कोरोनाभाइरस संक्रमणबाट ज्यान गुमाउनेको संख्या बिहीबार ६१ हजार नाघेको छ। बिहीबार एकैदिन संक्रमणबाट १ हजार ६५ जनाको मृत्यु भएसँगै त्यहाँ कोरोनाका कारण ज्यान गुमाउनेको संख्या ६१ हजार ६ सय ९४ पुगेको छ।
बिहीबार त्यहाँ ७६ हजार ८ सय २६ जना नयाँ संक्रमित भेटिएका छन्। यससँगै कुल संक्रमितको संख्या ३३ लाख ८४ हजार ५ सय ७५ पुगेको छ। जसमध्ये हालसम्म २५ लाख ८३ हजार ६३ जना संक्रमणमुक्त भइसकेका छन्।
अब ७ लाख ३९ हजार ८ सय १८ जना सक्रिय संक्रमितको आइसोलेसनमा उपचार चलिरहेको छ। तीमध्ये ८ हजार ९ सय ४४ जनाको अवस्था गम्भीर छ।
उता, संक्रमणबाट सबैभन्दा बढी प्रभावित मुलुक अमेरिकामा हालसम्म कोरोनाका कारण १ लाख ८४ हजार ७ सय ७८ जनाको मृत्यु भइसकेको छ। बिहीबार मात्र त्यहाँ १ हजार १ सय २५ जनाको मृत्यु भएको थियो। त्यहाँ २५ लाख १५ हजार ६ सय ६८ जना सक्रिय संक्रमित उपचाररत छन्। हिजो अमेरिकामा ४५ हजार ६ सय ९९ जना नयाँ संक्रमित थपिएका छन्।
यस्तै, संक्रमणबाट दोस्रो बढी प्रभावित मुलुक ब्राजिलमा कोरोनाबाट ज्यान गुमाउनेको संख्या १ लाख १८ हजार ७ सय २६ पुगेको छ। हिजो त्यहाँ ९ सय ७० जनाको संक्रमणबाट ज्यान गएको थियो।
-1732261651.jpg)
-1732259528.jpg)
-1732180391.jpg)
