काठमाडौं उपत्यकामा एकैदिन ३०१ जना कोरोना संक्रमित थपिए
काठमाडौं उपत्यकामा पछिल्लो २४ घण्टामा आजसम्मकै सर्वाधिक कोरोना संक्रमित थपिएका छन्। स्वास्थ्य तथा जनसंख्या मन्त्रालयका अनुसार काठमाडौं उपत्यकामा पछिल्लो २४ घण्टामा ३०१ जना थपिएका छन्। यससँगै उपत्यकामा कोरोना संक्रमितको संख्या ३८५३ पुगेको छ।
बुधबार उपत्यकाका जिल्लाहरू काठमाडौंमा २३० जना, ललितपुरमा ४७ जना र भक्तपुरमा २४ जना संक्रमित थपिएको स्वास्थ्य मन्त्रालयले जानकारी दिएको छ।
काठमाडौं उपत्यकामा देखिएको यो संख्या आजसम्मकै उच्च हो। यसअघि मंगलबार सबैभन्दा धेरै, २३२ जनामा कोरोना संक्रमण देखिएको थियो।
काठमाडौं उपत्यकामा संक्रमितको संख्या बढेसँगै १७ भदौसम्मका लागि निषेधाज्ञा थप गरिएको छ।
-1730706554.jpg)
