देशभर पछिल्लो २४ घण्टामा थपिए ८८५ जना कोरोना संक्रमित
नेपालमा पछिल्लो २४ घण्टामा ८८५ जना कोरोना संक्रमित थपिएका छन् । यसमध्ये २९९ जना महिला र ५८६ जना पुरुष रहेका छन्। यससँगै मुलुकमा कोरोना संक्रमितको कुल संख्या ३४४१८ पुगेको छ।
स्वास्थ्य तथा जनसंख्या मन्त्रालयको नियमित प्रेस ब्रिफिङमार्फत दिइएको जानकारी अनुसार पछिल्लो २४ घण्टामा ३८५ जना निको भएर घर फर्किएका छन्। यससँगै अहिलेसम्म निको भएर घर फर्किनेको संख्या १९५०४ पुगेको छ।
मन्त्रालयका अनुसार हाल आइसोलेसनमा १४७३९ जना रहेका छन्। त्यसमध्ये ६०२८ जना होम आइसोलेसनमा र ८७११ जना संस्थागत आइसोलेसनमा रहेका छन्।
त्यस्तै ९८३१ जना देशभरका क्वारेन्टिनमा रहेका छन्। मन्त्रालयका अनुसार देशभरका आईसीयूमा १५१ जना र भेन्टिलेटरमा १४ जनालाई राखेर उपचार भइरहेको छ। त्यसमध्ये प्रदेश-१ मा १६ जना, प्रदेश-२ मा ४४ जना, बागमती प्रदेशमा ७१ जना, गण्डकी प्रदेशमा ३ जना र प्रदेश-५ मा १७ जनाको आईसीयूमा राखेर उपचार भइरहेको छ।
प्रदेश-१ मा १ जना र बागमती प्रदेशमा १३ जनाको भेन्टिलेटरमा राखेर उपचार भइरहेको छ।
-1732353496.jpg)
