चाल्नाखेलमा बस दुर्घटना हुँदा २४ घाइते
फर्पिङबाट काठमाडौंको पुरानो बसपार्क आउँदै गरेको बस चाल्नाखेलमा दुर्घटना हुँदा २४ जना घाइते भएका छन् ।
ना३ख १४४४ नंको यात्रुवाहक बस आज बिहान ७ बजे चाल्नाखेलस्थित हात्तीवनमा दुर्घटना भएको हो।
बस हिलो सडकमा चिप्लिएर दुर्घटना भएको महानगरीय ट्राफिक प्रहरी महाशाखाका प्रहरी नायब उपरीक्षक कृष्णदत्त भट्टलेबताए ।
दुर्घटनामा घाइते भएका २४ मध्ये १२ को मनमोहन अस्पताल स्वयम्भू र १२ जनाको वयोधा अस्पताल बल्खुमा उपचार भइरहेको छ ।
घाइतेको अवस्था भने सामान्य रहेको प्रहरीले जनाएको छ ।
-1732353496.jpg)
