बोक्सोको आरोप लगाउने ६ जना पक्राउ
बोक्सोको आरोप लगाउने ६ जनालाई सिन्धुली प्रहरीले पक्राउ गरेको छ।
पक्राउ पर्नेमा हरिहरपुरगढी गाउँपालिका—५ हात्तिदमारकी ३० वर्षीया हरिमाया वाइवा, २३ वर्षीय शुकबहादुर वाइवा, ५० वर्षीया फूलमाया वाइवा, २६ वर्षीया रजिनामाया वाइवा, २४ वर्षीय लाल भनिने तासिङ लामा र काभ्रे धुलिखेल नगरपालिका—८ का २२ वर्षीय सुरेन्द्र तामाङ वाइवा छन्।
उनीहरुले हरिहरपुरगढी गाउँपालिका—५ हात्तिदमारका लक्ष्मण बम्जनलाई बोक्सो भएको आरोप लगाउँदै हातपात गरेका थिए। उजुरीका आधारमा उनीहरुलाई ७ भदौमा पक्राउ गरिएको जिल्ला प्रहरी कार्यालय सिन्धुलीका प्रहरी नायब उपरीक्षक श्यामहादुर खत्रीले बताए।
पक्राउ परेका सबैलाई जिल्ला अदालत सिन्धुलीबाट सात दिन थुनामा राख्ने म्याद थप गरी अनुसन्धान भइरहेको उनले बताए।
-1732261651.jpg)
-1732259528.jpg)
-1732180391.jpg)
