सन्दीप लामिछानेले लिए महत्वपूर्ण विकेट
क्यारेबिनय प्रिमियर लिगमा नेपालका लेग स्पिनर सन्दीप लामिछानेले महत्वपूर्ण विकेट लिएका छन्। जवाफी ब्याटिङ गरिरहेको नाइट राइडरका सुनिल नारिनलाई सन्दीपले क्याच आउट गराएका हुन्।
कलिन मुन्रोसँग ७५ रनको फराकिलो साझेदारी गरिरहेका नारिनलाई सन्दीपले आफ्नो दोस्रो ओभरको पाँचौं बलमा क्याच आउट गराएका हुन्। सन्दीपले चार ओभरमा ३० रन दिए। अन्तिम ओभर सन्दीपका लागि निकै महँगाे भएकाे थियाे। उनले अन्तिम ओभरमा दश रन दिए।
टस हारेर पहिलो ब्याटिङ गरेको सन्दीपको टीम जमैका तल्लाहवाजले १३६ रनको चुनौती दिएको थियाे। तर, खेल भने जमैकाले गुमाएकाे छ।
राइडरले सात विकेटले खेल जितेकाे छ। राइडरलका लागि मुन्राेले अविजित ४९ रन जाेडे। राइडरले एघार बल बाँकी रहँदै लक्ष्य भेटाएकाे थियाे। पहिलाे खेल भने जमैकाले जितेकाे थियाे। उक्त खेलमा पनि सन्दीपले एक विकेट लिएका थिए।
-1732261651.jpg)
-1732259528.jpg)