सिरहामा कुटपिटबाट महिलाको मृत्यु, चार जना पक्राउ
सिरहाको अर्नमा गाउँपालिका–५ कृष्णपुरमा बाटोको विषयलाई लिएर विवाद बढ्दै गई कुटपिट हुँदा एक महिलाको मृत्यु भएको छ। कुटपिटबाट गम्भीर घाइते कृष्णपुरकी ५० वर्षीया सीतादेवी राउतको मृत्यु भएको हो।
राउतको जिल्ला अस्पताल सिरहामा उपचारको क्रममा बुधबार मृत्यु भएको जिल्ला प्रहरी कार्यालय सिरहाले जनाएको छ। स्थानीयको लाठी प्रहारबाट उनको अनुहार र शरीरका भित्री भागमा चोट लागेको थियो।
घटनालगतै जिल्ला प्रहरी कार्यालय सिरहाबाट खटिएको प्रहरी टोलीले कुटपिटमा संलग्न भएको आरोपमा चार जनालाई पक्राउ गरेको छ। पक्राउ पर्नेमा ४७ वर्षीय बालदेव साह, ३८ वर्षीय कमलेश राउत, ४६ वर्षीया लिला देवी राउत र २२ वर्षीया सुलेखा राउत रहेको सिरहाका प्रहरी प्रवक्ता प्रहरी नायब उपरीक्षक विनोद घिमिरेले जानकारी दिए। घटनाबारे थप अनुसन्धान भइरहेको उनले बताए।
-1732261651.jpg)
-1732259528.jpg)
-1732180391.jpg)
