सन्दीप लामिछाने मैदान उत्रदै (खेल तालिकासहित)

क्यारेबियन प्रिमियर लिग (सीपीएल) मा नेपाली स्टार स्पिनर सन्दीप लामिछाने आवद्ध टीम जमैका तल्लाहवाज आज मैदानमा उत्रदैछ। जमैकाको पहिलो खेल साँझ ७ः४५ बजे सेन्ट लुसिया विरुद्ध हुनेछ।

सीपीएल भने हिजोबाटै शुरु भइसकेको छ। तर, सन्दीप आवद्ध टीमको भने आजबाट मात्रै खेल शुरु हुन लागेको हो। खेल कोरोनाभाइरस संक्रमणको जोखिमका कारण विना दर्शक खेलाइदैछ।

सन्दीपको दोस्रो खेल ट्रिबागो नाइट राइडरसँग ५ भदौ बिहान ३ः१० बजे हुनेछ। तेस्रो खेल गुवाना अमाजोनसँग ७ भदौ राति १२ बजे, चौथो खेल गुवानासँगै १० भदौ बिहान ३ः१५ बजे हुनेछ।

पाँचौ खेल बार्बाडोस ट्रिडेन्टसँग ११ भदौ बिहान ३ः१५ बजे, छैटो खेल सेन्ट किट्स एण्ड नाभिस पेट्रोइट्ससँग १४ भदौ राति १२ बज, सातौ खेल ट्रिबागो नाइट राइडरसँग १६ भदौ साँझ ७ः४५ बजे, आठौं खेल सेन्ट किट्स एण्ड नाभिस पेट्रोइट्ससँग १८ भदौ राति १२ बजे बार्बाडोस ट्रिडेन्टससँग हुनेछ।

नवौं खेल बार्बाडोसँग २१ भदौ राति १२ बजे र अन्तिम खेल सेन्ट लुसियासँग २२ भदौ राति १२ बजे हुनेछ। यो सिजन सन्दीपलाई सीपीएल टीम जमैका तल्लावाहजले ९० हजार अमेरिकी डलरमा अनुबन्ध गरेको हो।

उनले यसअघि दुई पटक सीपीएल खेलिसकेका छन्। २५ भदौसम्म चल्ने सीपीएलमा कुल ३३ खेल हुनेछन्।