काठमाडौं उपत्यकामा थप २०५ जना कोरोना संक्रमित
काठमाडौं उपत्यकामा पछिल्लो २४ घण्टामा २०५ जना कोरोना संक्रमित थपिएका छन्। स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा काठमाडौंमा १३८ जना, ललितपुरमा ५० जना र भक्तपुरमा १७ जना कोरोना संक्रमित थपिएका छन्।
त्यस्तै पछिल्लो २४ घण्टामा मुलुकमा पहिलोपटक एकैदिन १००० भन्दा धेरै कोरोना संक्रमित थपिएका छन्। स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता जागेश्वर गौतमले दिएको जानकारी अनुसार मंगलबार मात्रै मुलुकमा १०१६ जना कोरोना संक्रमित थपिएका छन्।
उनका अनुसार निको भएर घर फर्किनेको संख्या ८५ जना मात्रै छन् सक्रिय संक्रमितको संख्या १०५५३ रहेको छ।
प्रदेश अनुसार सक्रिय संक्रमितको संख्या प्रदेश-१ मा ९७८ जना प्रदेश-२ मा २०७६, वागमती प्रदेशमा २५१४ जना, गण्डकी प्रदेशमा २७९ जना, प्रदेश ५ मा ७७९ जना, कर्णालीमा २०८ जना र सुदूरपश्चिममा ८३२ जना छन्।
प्रदेश अनुसार होम आइसोलेसनमा रहेका सक्रिय संक्रमितको संख्या प्रदेश-१ मा १९७ जना, प्रदेश-२ मा २३४९ जना, वागमती प्रदेशमा १११ जना, गण्डकी प्रदेशमा २७ जना, प्रदेश-५ मा १७० जना, कर्णाली प्रदेशमा ८ र सुदूरपश्चिममा २५ जना छन्।
मन्त्रालयले दिएको जानकारी अनुसार पछिल्लो २४ घण्टामा ७ जनाको मृत्यु भएको छ। यससँगै मुलुकमा कोरोना संक्रमणबाट मृत्यु हुनेको संख्या ११४ जना पुगेको छ।
-1730706554.jpg)
