सीपीएल आजदेखि, सन्दीपको पहिलो खेल भने भोलि
क्यारेबियन प्रिमियर लिग (सीपीएल) आजदेखि ट्रिनिडाड एण्ड टोबागोमा आजदेखि शुरु हुँदैछ। नेपाली स्टार स्पिनर सन्दीप लामिछानेको पहिलो खेल भने भोलि हुनेछ।
सीपीएल आज राति ७ः४५ बजेदेखि शुरु हुनेछ। पहिलो खेलमा ट्रिनबागो नाइट राइडर्स र गुएना वारियर्स प्रतिश्पर्धा गर्नेछन्। नेपाली समयअनुसार भोलि बिहान ३ः१५ बजे हुने अर्को खेल बारबाडोस र सेन्ट किट्सबीच हुनेछ। कोरोनाभाइरस संक्रमणको जोखिमका काराण सबै खेल विना दर्शक खेलाइने छन्।
सन्दीपको टीम जमैका तल्लाहवाजले पहिलो खेल बुधबार साँझ ७ः४५ मा सेन्ट लुसियाविरुद्ध खेल्नेछ। सन्दीपले सामाजिक सञ्जालमा कोरोनाभाइरस महामारीका कारण लामो समयपछि क्रिकेट खेल्न पाउँदा आफू उत्साही भएको जनाएका छन्।
यो सिजन सन्दीपलाई सीपीएल टीम जमैका तल्लावाहजले ९० हजार अमेरिकी डलरमा अनुबन्ध गरेको हो। उनले यसअघि दुई पटक सीपीएल खेलिसकेका छन्। २५ भदौसम्म चल्ने सीपीएलमा कुल ३३ खेल हुनेछन्।
-1732261651.jpg)
-1732259528.jpg)