भण्डारी हत्या अभियाेगमा दुईजना पक्राउ
बैतडीका हर्कबहादुर भण्डारीको हत्या घटनामा संलग्न भएको अभियोगमा प्रहरीले कैलालीबाट दुई जनालाई प्रहरीले गरेको छ ।
कञ्चनपुरको देखतभूली गाउँका २४ वर्षीय पुन्टु भनिने गणेश भाट र कैलालीको गोदावरी नगरपालिकाका २३ वर्षीय गोविन्द आउजीलाई पक्राउ गरिएको प्रहरी कार्यालयका प्रमुख प्रहरी उपरीक्षक आभूषण तिम्सिनाले बताए ।
बैतडीको दशरथचन्द नगरपालिकाका ४५ वर्षीय भण्डारीको २ चैतमा गोदावरी नगरपालिका–४ को खैराना गाउँ जाने सडकमा टाउकोमा ढुङ्गा प्रहार गरी हत्या गरिएको अवस्थामा शव फेला परेको थियो ।
भण्डारीको साथमा रहेको रकम लुट्नका लागि खैराना जङ्गल छेउको सडकमा पुर्याएर निजको हत्या गरिएको हुनसक्ने प्रहरी उपरीक्षक तिम्सिनाले बताए ।
हत्या गर्नुअघि स्थानीय बस बिसौनी नजिकको एक होटलमा उनीहरुले सँगै मदिरा सेवन गरेको बताइएको छ ।
-1732353496.jpg)
