लाइपजिग च्याम्पियन्स लिगको सेमिफाइनलमा
यूरोपियन च्याम्पियन्स लिगको क्वाटर फाइनलमा एटलेटिको मड्रिडलाई पराजित गर्दै आरबी लाइपजिग सेमिफाइनल प्रवेश गरेको छ। पहिलो पटक स्पेनिस क्लबसँग मैदानमा उत्रिएको लाइपजिगले संघर्षपूर्ण जित निकाल्यो।
निकै रोचक र कडा प्रतिश्पर्धा देखिएको खेलमा पहिलो हाफ गोल रहित बराबरीमा सकियो। तर, दोस्रो हाफको ५०औं मिनेटमा लाइपजिगले अग्रता लियो। डानी ओल्मोको गोलमा लाइपजिगले अग्रता लिएको थियो।
तर, ७१औं मिनेटमा लाइपजिगका खेलाडीले फउल गरेपछि एटलेटिकोकाले पेनाल्टीको अवसर पायो। यो अवसर एटलेटिकोले गुमाएनन् र खेल बराबरीमा आयो। निर्धारित समयको अन्तिम दुई मिनेटसम्म खेल बराबरीमै चलिरहेको थियो।
तर, टेलर आडाम्सले ८८औं मिनेटमा उत्कृष्ठ गोल गरे। उनको गोल नै निर्णायक हुँदा लाइपजिगले सेमिफाइनलको यात्रा तय ग¥यो। तर, डिफेन्डिङ च्याम्पियन लिभरपुललाई पराजित गर्दै नकआउट चरणमा आइपुगेको एटलेटिको भने लाइपजिगसँग स्तब्ध हुँदै खेलबाट बाहिरिएको छ। लाइपजिगले फाइनलका लागि पीएसजीसँग खेल्नेछ।
-1732261651.jpg)
-1732259528.jpg)