काठमाडौं उपत्यकामा थप १३८ जनामा कोरोना संक्रमण पुष्टि
काठमाडौं उपत्यकामा मात्रै पछिल्लो २४ घण्टामा थप १३८ जना कोरोना संक्रमित भेटिएका छन्। यो काठमाडौं उपत्यकामा थपिएको आजसम्मकै सर्वाधिक संख्या हो। काठमाडौं उपत्यकामा दिनदिनै संक्रमितको संख्या थपिने क्रम बढीरहेको छ।
यससँगै काठमाडौं उपत्यकामा मात्रै कोरोनाका कूल संक्रमितको संख्या १४४८ जना पुगेको छ।
स्वास्थ्य मन्त्रालयले दिएको जानकारी अनुसार बुधबार उपत्यकाका जिल्लाहरू काठमाडौंमा १०९, ललितपुरमा २१ र भक्तपुरमा ८ जना कोरोना संक्रमित थपिएका छन्।
यससँगै उपत्यकाका जिल्लाहरू संक्रमितको संख्या काठमाडौंमा ११६७, ललितपुरमा १८० र भक्तपुरमा १०५ संक्रमित पुष्टि भएका छन्।
त्यस्तै पछिल्लो २४ घण्टामा देशभर थप ४८४ जना कोरोना संक्रमित थपिएका छन्। यससँगै मुलुकमा कोरोना संक्रमितको संख्या २४४३२ पुगेको छ। त्यसमध्ये सक्रिय संक्रमितको संख्या ७६१३ छ।
-1732353496.jpg)
