साताको अन्तिम दिन शेयर कारोबार मापक नेप्से परिसूचक दोहोरो अङ्कले बढ्यो
साताको अन्तिम दिन आज धितोपत्र बजारमा शेयर कारोबार मापक नेप्से परिसूचक दोहोरो अङ्कले बढेको छ। लगातार तीन दिनदेखि गिरावट आइरहेको नेप्से आज १०.१३ अङ्कले बढेर एक हजार ४४२.६१ मा पुगेको छ।
यस्तै सेन्सेटिभ परिसूचक ०.७४ अङ्कले बढेर ३०३.९० मा पुगेको छ। आज कुल १८७ कम्पनीका ३३ लाख ९२ हजार ९६९ कित्ता शेयर रु एक अर्ब ३२ करोड ७१ लाख ३५ हजार २१८ मा खरीद–बिक्री भए।
कारोबार भएका १२ उपसमूहमध्ये दुई उपसमूहको शेयर घटेको छ। विकास ब्यांक ३.६५ र सामूहिक लागनी कोष ०.०४ अङ्कले घटेका छन्। यस्तै ब्यांकिङ ३, व्यापार ७.९४, होटल ४२.५५, जलविद्युत् ६.६२, वित्त १.४९, निर्जीवन बीमा १८५.७, उत्पादन १७.८५, अन्य ४.७७, लघुवित्त २७.६५ र जीवन बीमा १५४.६७ अङ्कले बढेको छ।
कारोबार रकमका आधारमा नेपाल पुनर्बीमा कम्पनी शीर्ष स्थानमा रह्यो। सो कम्पनीको शेयर रु ११ करोड ३२ लाख ३९ हजार ६७९ मा खरीदबिक्री भयो । यस्तै नेपाल लाइफ इन्स्योरेन्स रु १० करोड २९ लाख ५६ हजार ८५३, शिखर इन्स्योरेन्सको रु आठ करोड पाँच लाख १८ हजार ८९६, एनआईसी एसिया लघुवित्त वित्तीय संस्था रु सात करोड ७० लाख चार हजार ९५ र एनएमबी ब्यांकको रु ६ करोड ३२ लाख २२ हजार ६९ मा खरीदबिक्री भयो।
आज सबैभन्दा बढी तारागाउँ रिजेन्सी होटल र मिर्मिरे लघुवित्त विकास ब्यांकका शेयरधनीले समान १०-१० प्रतिशतले कमाए। यस्तै ओरियन्टल होटल ९.९२, कालिका माइक्रोक्रेडिट डेभलपमेन्ट ब्यांक ९.८९, मिथिला लघुवित्त वित्तीय संस्था ९.४४, वेष्ट फाइनान्स सात र शिखर इन्स्योरेन्स कम्पनीका लगानीकर्ताले ६.७० प्रतिशतले कमाए।
मल्टीप्रपोज फाइनान्स कम्पनीका लगानीकर्ताले सबैभन्दा बढी ५.३६ प्रतिशतले गुमाए। यस्तै हिमालय ऊर्जा विकास कम्पनी ५.१०, सिन्धु विकास ब्यांक ४.५८, जोशी हाइड्रोपावर ३.७५, सानिमा ब्यांक ३.३०, एनआईसी एसिया ब्यालेन्स फण्ड २.३१ र नेपाल हाइड्रो डेभलपर्सका शेयरधनीले २.२४ प्रतिशतले गुमाए।
-1732180391.jpg)
-1732099242.jpg)