संखुवासभामा पहिरोले आठ घर बगाउँदा ११ जना बेपत्ता
संखुवासभाको सिलिचोङ गाउँपालिकामा शनिबार राति पहिरोले आठ घर बगाउँदा ११ जना बेपत्ता भएका छन्।
गाउँपालिका अध्यक्ष रामबहादुर राईका अनुसार वडा नं. १ सेचिलामा पहिरो गएकाे हाे। राति २ बजे आएको पहिरोले बगाएर बेपत्ता भएकाहरुको खोजी शुरु भएको राईले जानकारी दिए।
स्थानीय चाैकीबाट प्रहरी घटनास्थलमा पुगिसकेको छ भने जिल्ला प्रहरी कार्यालयबाट थप प्रहरी टोली त्यसतर्फ जाने तयारी भइरहेको छ। तर, लगातार वर्षा भइरहेका कारण उद्धारमा समस्या भएको गाउँपालिका अध्यक्ष राईले बताए।
उनका अनुसार घटनास्थलमा अहिले पनि वर्षा भइरहेको छ। घटनास्थल जिल्ला सदरमुकाम खाँदबारीदेखि ६० किलोमिटर टाढा पर्छ।
-1730706554.jpg)
