विवाहले कपिल बदलिएः भारती
श्रीमति जिन्नीका साथ कपिल शर्मा । तस्वीर: एजेन्सी
भारतका चर्चित टेलिभिजन हास्यँकलाकार कपिल शर्मामा विवाहले ठूलो बदलाव ल्याएको सहकर्मी भारती सिंहले बताएकी छन्।
कपिलले गत डिसेम्बरमा जिन्नी चारथसँग विवाह गरेका थिए । जिन्नी र भारती बाल्यकालका साथी हुन् ।
एक अनलाइन पोर्टलसँग कुरा गर्दै अर्की सेलिब्रेटी भारतीले विवाहपछि कपिल शोमा समयमै आउने र काम सकेर जाने गरेको बताएकी छन्।
कपिल आफ्नो ‘कमेडी शो’मा अतिथिलाई बोलाएर ढिलो र अव्यवस्थित भई पुग्ने गरेकोमा आलोचित थिए ।
मादक पदार्थ सेवन गरि आफ्ना सहकर्मी सुनिल ग्रोभर (डा.मशुर गुलाटी)लाई दुव्र्यवहार गरेकोमा अपिल विवादित बनेका थिए । यो घटना सार्वजनिक भएसँगै उनीबारे थुप्रै टिकाटिप्पणी शुरु भएको थियो । उनले केही समय आफ्नो कार्यक्रम नै बन्द गरेका थिए ।
अहिले ‘द कपिल शर्मा शो’ चलाइरहेका कपिललाई श्रीमति जिन्नीले खुब ख्याल गरेको भारतीको भनाइ छ ।
सहकर्मी भारतीसँग कपिल
“जिन्नीले कपिललाई बिहानै जीम जाने, सागपात र फलफूल खुवाउने मात्र होइन, हामी कलाकारहरुलाई पनि खाना पठाउँछिन्”, भारतीले भनेकी छन्, “उनी सारै असल छिन्।”
भारतीले कपिलसँगको काममा कहिल्यै थकान र दबाब महशुस नहुने बताएकी छन् । “खालि कपिलले ‘क्यू’ मात्र दिन्छन्, बाँकी सबैका लागि हामी स्वतन्त्रता छौं ।” -एजेन्सी
-1732261651.jpg)
-1732259528.jpg)
-1732180391.jpg)