एक हजार २४० कर्मचारीलाई कारवाहीको सिफारिस
राष्ट्रिय सतर्कता केन्द्रले एक हजार २४० कर्मचारीलाई कारवाहीको सिफारिस गरेको छ।
केन्द्रका प्रवक्ता विष्णुराज लामिछानेका अनुसार, केन्द्रले २८ जिल्लाका ४५० सरकारी कार्यालयमा छड्के अनुगमन गरेको थियो । अनुगमनपछि ती कर्मचारीलाई कारवाहीको सिफारिस गरिएको हो ।
लामिछानेका भनाइमा अनुगमनका क्रममा कार्यालय समय पालना नगर्ने ८९७ र तोकिएको पोशाक नलगाउने ३४३ कर्मचारी छन् । केन्द्रले नियमित रुपमा सरकारी कार्यालयको छड्के अनुगमन गर्ने गर्छ।
केन्द्रले सम्बन्धित कार्यालयका कार्यालय प्रमुखलाई पत्र लेख्दै ती कर्मचारीलाई कारवाही गर्न भनेको छ । केन्द्रले ४४३ कार्यालयमा रहेका नागरिक बडापत्रको अनुगमन गरेको छ ।
केन्द्रले गत आर्थिक वर्षमा ५२ जिल्लामा रहेका कार्यालयमा छड्के अनुगमन गर्दा दुई हजार ३७७ कर्मचारीलाई कारवाहीको लागि सिफारिस गरेको थियो।
-1732353496.jpg)
