सरकार विरुद्ध भक्तपुरका युवाको प्रदर्शन (तस्वीरहरु)
सरकार विरुद्ध भक्तपुरका युवाले प्रदर्शन गरेका छन्। भक्तपुरको सल्लाघारीमा बिहान १० बजेदेखि करीब दुई घण्टासम्म विभिन्न प्ला कार्डसहित प्रदर्शन भएको हो।
शान्तिपूर्वक प्रदर्शनमा उत्रिएका युवाहरुले आरडीटी परीक्षण रोक्नुपर्ने, कोरोना नियन्त्रण र उपचारमा भएको खर्च पारदर्शी बनाउनुपर्ने, भ्रष्टाचार अन्त्य गर्नुपर्ने लगायत माग गर्दै र्याली निकालेका थिए।
सल्लाघारीबाट शुरु भएको र्यालीले भक्तपुर नगर परिक्रमा गरेको थियो।
कोरोनाभाइरस महामारीले देश आक्रान्त भइरहेको वेला जनताको माग सुनुवाइको लागि दबाब दिन र न्यायको सुनिश्चितता गर्न प्रदर्शन गरेको भन्दै यसलाई भक्तपुरका युवाले सत्याग्रह कार्यक्रमको नाम दिएका छन्।
-1732261651.jpg)
-1732259528.jpg)