कौशलटारमा भीषण आगलागी, छ करोड बराबरको क्षति भएको अनुमान
भक्तपुरको मध्यपुरथिमि नगरपालिका–३ कौशलटारमा रहेको श्रेष्ठ फर्निचर तथा काष्ठ उद्योगमा विद्युत् सर्ट भई भीषण आगलागी भएको छ ।
गए राति ११ बजे लागेको आगो आज बिहान ४ बजे नियन्त्रणमा आएको महानगरीय प्रहरी परिसर भक्तपुरका प्रहरी उपरीक्षक हिमालयकुमार श्रेष्ठले जानकारी दिए ।
आगलागीबाट रु छ करोड बराबरको क्षति भएको अनुमान गरिएको प्रहरीले जनाएको छ ।
आगलागीबाट फर्निचर कारखानासँगै, शो रुम, गोदामका साथै नजिककै दुई घरमा पनि सामान्य क्षति पुगेको छ ।
भक्तपुर बारुणयन्त्र, ललितपुर, काठमाडौं, नेपाल प्रहरी, सशस्त्र प्रहरी र नेपाली सेनाको गरी छ वटा दमकलको सहायताले आगो नियन्त्रणमा लिइएको थियो ।
-1732353496.jpg)
