कोरोनाभाइरसबाट १० हजारभन्दा बढीको मृत्यु हुने पाचौँ देश बन्यो बेलायत
कोरोनाभाइरस (कोभिड१९) संक्रमणबाट मृत्यु हुनेको संख्या बेलायतमा १० हजार नाघेको छ। १० हजारभन्दा बढीको मृत्यु हुने बेलायत पाचौँ देश भएको छ।
बेलायतका विभिन्न अस्पतालमा आइतबार ७३७ जनाको मृत्यृ भएको छ। योसँगै मृतकको संख्या १० हजार ६१२ पुगेको छ।
बेलायतमा अहिलेसम्म ८४ हजार २७९ जना संक्रमित भएका छन्। त्यहाँ निको हुने दर निकै कम छ। अहिलेसम्म ३४४ जना मात्र पूर्ण रुपमा निको भएका छन्। धेरै जसो संक्रमित लामो उपचारबाट गुज्रुनु परेको छ।
अहिलेसम्म सबैभन्दा बढी अमेरिकामा २२ हजार १०५ जनाको मृत्यु भएको छ। इटाली, स्पेन र फ्रान्समा पनि १० हजारभन्दा बढीको मृत्यु भएको छ।
अहिलेसम्म विश्वमा १८ लाख ५२ हजारभन्दा बढी संक्रमित भएका छन्। तीमध्ये चार लाख २३ हजारभन्दा बढी निको भएका छन्। मृत्यु हुनेको संख्या भने एक लाख १४ हजार पुगेको छ।
-1732452683.jpg)
-1732353496.jpg)